Bardh Kadiri është i riu 20 vjeçar, i cili e humbi jetën në një aksident në fshatin Komoran.
Zëdhënësi i Policisë së Kosovës, Daut Hoxha ka thënë për lajmi.net, se aksidenti ka ndodhur në ora 17.30.
“Në aksident ishin të përfshirë një automjet dhe një motoçikletë. Sipas ekipit mjekësor, një person si pasojë e aksidentit është pa shenja jete. Njësia policore për menaxhimin e autostradës, po merret me matjet dhe shikimin e vendngjarjes”, ka thënë ai.
Si pasojë e këtij aksidenti, në orët e pasdites janë shkaktuar kolona të automjeteve në magjistralen Prishtinë-Pejë, në Llapushnik. /Lajmi.net/