Loriana Kuka, xhudistja e re kosovare, ka fituar medaljen e bronztë në kategorinë deri në 70 kilogramë në Kupën Evropiane për Juniorë në Lignano të Italisë.
Kuka, e cila më parë kishte përfaqësuar Zvicrën në xhudo dhe kishte marrë nënshtetësi kosovare vitin e kaluar, arriti këtë sukses pas katër luftërave.
Kjo është medalja e katërt këtë javë për xhudon kosovare, shkruan Gazeta Online Insajderi.
Distria Krasniqi dhe Nora Gjakova ditë më parë fituan të artat në Turneun në Turqi, ndërsa Flaka Loxha siguroi të bronztën në Itali në kategorinë deri 57 kilogramë.
Loriana Kuka është mbesa e trajnerit të përfaqësueses së Kosovës në xhudo, Driton Kuka.