Modelja më e kërkuar e momentit Lara Stone është rikthyer angazhimeve në karrierë një vit pas lindjes së djalit të saj. Kohëve të fundit ajo ka pozuar për revistën “Vogue” që e kishte organizuar miku i saj Kate Moss. E rrethuar me dy ujqër dhe me një fustan të zjarrtë, Lara tregoi që është rikthyer t’i mbërrij majat e suksesit në karrierë.
Supermodelja më e kërkuar e momentit Lara Stone, ka pozuar për revistën “Vouge” të organizuar nga miku i saj Kate Moss. E rrethuar me dy ujqër, me “Gothik make-up” dhe një fustan mëndafshi të zjarrtë nga Versace me shirit të vlerës 1436 £, Lara pozoi në një dhomë antike të rrethuara me një mini-bibliotekë. Ajo është kthyer në formë të mahnitshme vetëm një vit pasi lindi djali i saj Alfred dhe duket më e mrekullueshme se kurrë më parë. Stone dukej me një humor të mirë për promovimin e veshjeve për stinën e vjeshtës ndonëse vera sjell më shumë dëshirë dhe vullnet për krijimin e kreacioneve.
Veshja që ajo mbante gjatë pozimit nuk është vetëm për ditët e errëta. Ajo është e përsosur për muajt e verës dhe do të jetë i bukur po të vishet me një palë sandale me thembra të larta.
Lara gjatë muajve kur ishte shtatzënë pësoi ndryshime në trupin e saj saqë përmasat e saj ishin “mjaft tronditëse”. Por pas lindjes së djalit, ajo është rikthyer përsëri angazhimeve të saja në karrierë dhe është paraqitur si imazhi i firmës L’Oreal.
“Ndryshimet në trupin ishin marramendëse dhe unë patjetër doja që pas lindjes të kthehem ashtu siç kam qenë më herët pasi fytyra ime dhe trupi im janë ato prej të cilave jetoj” ka thënë Stone.
Lara po ashtu ka theksuar se do të ketë edhe projekte të tjera në të cilat do të punojë intensivisht.