Zyra e Auditorit të Përgjithshëm (ZAP) ka ndarë në qëndrime partnerët e koalicionit qeverisës PDK-LDK.
Lidhja Demokratike e Kosovës ka dalë në mbrojtje të “udhëheqësit” të ZAP-it, i cili në shtator qe vetemëruar u.d. i drejtorit, duke shkelur ligjet dhe Kushtetutën, ndërsa Partia Demokratike ka kërkuar që me këtë person të merren organet e drejtësisë, shkruan “Koha Ditore”.
Muhamet Mustafa, deputet i Kuvendit të Kosovës nga radhët e LDK-së, ndonëse e ka të qartë se vetëm Kuvendi mund të emërojë auditorin e përgjithshëm të ZAP-it apo ushtruesin e detyrës së tij, ka thënë se të vetemëruarit Artan Venhari ia ka imponuar situata që t’i shkelë ligjet.