Ka reaguar Lidhja Demokratike e Kosovës, Dega në Prizren, pas shpalljes së verdiktit për Kryetarin e Prizrenit Ramadan Muja, duke e kërkuar dorëheqjen e tij.
Dega e Lidhjes Demokratike te Kosovës, në Prizren, ka përshëndetur vendimin e Gjykatës së EULEX-it, me anë të cilit Ramadan Muja dhe bashkëpunëtoret e tij, shpallen fajtorë për keqpërdorim te detyrës zyrtare, thuhet në njoftim.
“LDK-ja në Prizren konsideron që nuk mundet te qeveriset me Prizrenin me Kryetar te shpallur fajtor për keqpërdorim të detyrës zyrtare, andaj LDK-ja kërkon që Ramadan Muja të jap dorëheqje, në mënyrë që të gjendet zgjidhje politike për Komunën e Prizrenit, dhe zgjidhja është, zgjedhje të jashtëzakonshme për Kryetar te Komunës se Prizrenit”, thekson LDK.
Po ashtu LDK ka shprehur “kënaqësi që më në fund drejtësia u vendos, dhe u faktuan shkronjë për shkronjë të gjitha ato denoncime publike që ka bërë LDK-ja ndaj praktikave korruptive te qeverisë Muja”.