14.8 C
Prizren
E hënë, 26 Shtator, 2022

LDK: Kryeziu do ta fitojë Prizrenin, në raundin e parë

EqremKryeziu9-26Lidhja Demokratike e Kosovës Dega në Prizren, mobilizohet fuqishëm për fitoren e madhe të 3 nëntorit. Kryetarët e nëndegëve nga zyrtarët shtabit elektoral të Degës së LDK-së u njoftuan sot për arritjet e punëve organizative për para përgatitjen e procesit zgjedhor.

Në lidhje me parapërgatitjen e procesit para elektoral dhe punëve organizative, nënkryetari i Degës, Hanefi Muharremi, për angazhimin e tyre falënderojë kryetarët dhe kryesitë e nëndegëve, të cilat si asnjëherë më parë janë shumë aktive.

“Falë angazhimit tuaj, shtabi elektoral dhe ai teknik i Degës së LDK-së në Prizren ka arrit që të përmbyllë para kohe procedurat e nominimit të komisionarëve dhe vëzhguesve të cilët edhe janë mbrojtësit e procesit dhe garantuesit e fitores së madhe të 3 nëntorit”, tha Muharremi.

Kryetarët e nëndegëve përveç tjerash u njoftuan se hapja zyrtare e fushatës për Prizren do të bëhet në sheshin “Shatërvan” me 4 nëntor 2013 në ora 16:30, ku në hapje do të marrin pjesë figurat qëndrore të partisë në mesin e tyre edhe lideri i LDK-së, Isa Mustafa.

Ndërkaq, Zyrtari për Informim i Degës së LDK-së në Prizren, Abdullah Thaçi, tha se për këtë organizim u kërkua angazhimi i të gjitha forumeve të partisë së bashku me kandidatët për Asamble Komunale. “Ishte zotim i përbashkët që të gjithë pa përjashtim duhet të angazhohemi në mënyrë që fitorja e Kryetarit Eqrem Kryeziu dhe e gjithë Lidhjes Demokratike të Kosovës të jetë madhështore dhe bindëse, ajo duhet të arrihet që në raundin e parë”, tha Thaçi./PrizrenPress.com/

Më Shumë

Lajmet e Fundit