Universiteti i Prishtinës ”Hasan Prishtina”, mbajti sot provimin pranues të afatit të dytë për pranimin e studentëve të rinj në vitin akademik 2013-2014.
Në këtë afat është rritur numri i studentëve që do të pranohen në Universitetin e Prishtinës në ato departamente që ka pasur interesim më të madh.
Në këtë afat do të pranohen rreth 6 mijë e 500 studentë të rregullt si dhe rreth 3 mijë studentë me korrespodencë.
Universiteti do të regjistrojë edhe 553 studentë të rregullt nga Shqipëria, Maqedonia, Mali i Zi dhe Presheva e Bujanoci, si dhe 250 studentë nga minoritetet: boshnjakë, turq, romë, ashkali dhe egjiptianë.