22.5 C
Prizren
E martë, 16 Shtator, 2025

Librat që tronditën publikun kur u publikuan

Kur mendojmë për libra skandalozë, me shumë mundësi, menjëherë në mendje na shkon “50 hijet e Greit” apo “Femrat” e Bukovskit. Por historia e të ashtuquajturve libra skandalozë është e gjatë dhe shumë libra që sot konsiderohen klasikë, kur u publikuan në fillim, u kritikuan për përmbajtjen.

Xhejn Er  – Sharlot Brontë

“Xhejn Er” pati sukses të menjëhershëm kur u publikua, megjithatë u konsiderua si një libër jo i përshtatshëm, të themi. Arsyeja? Sepse ishte shkruar nga një grua.

Uliksi – Xhejm Xhojsi

Në ditët e sotme, “Uliksi” konsiderohet gjerësisht si shumë konfuz për të qenë fyes. Por kur doli në fillim shkaktoi goxha zhurmë. Tekefundit, në gjithë kapitullin e fundit, e vetmja gjë që bën gruaja e Leo Blum, Moli, është masturbimi. Nëse mendoni se kjo është e pështirë, mos e lexoni kurrë korrespodencën personale të Xhojsit me gruan e tij.

Kandidi – Volteri

“Kandidi” u dënua për blasfemi, pasi sugjeronte se jeta nuk është perfekte, por le ta jetojmë gjithsesi. Për të qenë të sinqertë, libri është një satirë e kishës dhe qeverisë në të njëjtën kohë dhe të dyja institucionet nuk njihen për sensin e tyre të humorit.

Dashnori i zonjës Chatterley – D. H. Lawrence

Ky libër konsiderohej skandaloz për kaq shumë kohë, sa shtëpia botuese që e hodhi në qarkullim u përball në gjyq për këtë libër 32 vjet pasi e botoi për herë të parë. Për fat të mirë, shtëpia botuese fitoi.

Vargjet satanike – Salman Rushdie

“Vargjet satanike” vijon të mbetet një libër skandaloz. Libri i njohur është kaq kritik ndaj fesë sa edhe përkthyesit e librit u kërcënuan dhe sulmuan në vendet e tyre. Përkthyesit italianë dhe norvegjezë u plagosën rëndë në dy sulme ndaj tyre, ndërsa përkthyesi japonez u godit për vdekje me thikë.

/bordo

Më Shumë

Nisma Socialdemokrate hap sot fushatën zgjedhore në Prizren

Nisma Socialdemokrate në Prizren ka njoftuar se sot do të mbajë hapjen zyrtare të fushatës zgjedhore në këtë qytet, me një ngjarje publike që...

Punime të paligjshme në tokë publike – sekuestrohen eskavatori dhe kamioni në Dedaj të Hasit

Dy persona janë kapur duke kryer punime pa leje, duke uzurpuar dhe dëmtuar një pronë publike në fshatin Dedaj të Hasit . Ngjarja është...

Lajmet e Fundit