Ministri i Arsimit dhe Shkencës, Ramë Likaj, iu bën thirrje nxënësve, prindërve, mësimdhënësve dhe stafit të shkollave, që të respektojnë me përpikëri masat e rekomanduara nga MSh dhe IKShPK për parandalimin e përhapjes së COVID-19.
Likaj me anë të një postimi në rrjetin social Facebook ka shkruar se asnjë skenar tjetër nuk e zëvendëson pjesëmarrjen në shkollë.
“Prandaj, të punojmë të gjithë së bashku që të mbajmë në jetë skenarin A (mësim me pjesëmarrje në shkollë).”
“Falënderoj të gjithë nxënësit, prindërit, mësimdhënësit, taskforcat, DKA-të, Kolegjiumin e DKA-ve, Asociacionin e Komunave, Ministrinë e Shëndetësisë, IKShPK, Policinë e Kosovës, SBAShK-un, inspektoratet përkatëse dhe të gjithë që po na ndihmojnë që ta kalojmë sa më lehtë këtë situatë pandemike”, ka shkruar Likaj.