Lideri i Nismës për Kosovën, Fatmir Limaj, pas dështimit të pozitës që t’i sigurojë votat në Kuvendin e Kosovës, deklaroi se deputetët e Parlamentit të Kosovës kanë treguar që këtu ka shtet, ka dinjitet.
Ai shtoi se me qetësie dhe kulture opozita ka zhvilluar debatin e vet të argumentuar.
“Ne sot nuk e shohim fitore të opozitës, kjo është fitore para së gjithash e qytetarëve të Kosovës mbi të gjitha e dinjitetit të deputetëve në Parlamentin e Kosovës. Sot deputetët e Parlamentit të Kosovës kanë treguar që këtu ka shtet, ka dinjitet dhe kjo fitore e tyre para së gjithash dhe e atyre që kanë votuar ndërsa ata që nuk kanë votuar nuk do të doja të isha në vendin e tyre. Kjo e ka qëllimin, Kosova e ka qu mesazhin e vet. Ne nuk mund të na detyroni të votojmë kundër sovranitetit të vendit tonë. Kjo është jo më legjitime, e papranueshme dhe u pa, Parlamenti votoi edhe dha qëndrimin e vet, çdo gjë tjetër është dhunim”, tha ai.
Limaj tha se pavarësisht gjithë atyre që kanë ndodh, këto ditë deputetët e Parlamenti t të Kosovës treguan që ky parlament megjithatë ka dinjitet dhe përgëzoj gjithë ata qytetarë që i kanë pru në parlament këta deputet të Kosovës.
“Për neve kjo çështje është e mbyllur. Ka shpëtuar sovraniteti i Kosovës tjerat për mua janë të parëndësishme. Ne e kemi ruajtur sovranitetin e vendit tonë”, ka thënë ai.