(E plotësuar) Fatmir Limaj është liruar nga arresti shtëpiak. Lajmin e ka konfirmuar për “Epokën e re”, avokati i Limajt, Tomë Gashi.
Kurse sot kryetari i trupit gjykues, Malkolm Simons, ka njoftuar palët mbrojtëse se vendimi përfundimtar për rastin “Kleçka”, do të shpallet më 17 shtator.
Vendimi për rastin “Kleçka” më 17 shtator
Vendimi përfundimtar për rastin “Kleçka”, do të shpallet më 17 shtator. Lajmin e ka konfirmuar për “Epokën e re” avokati i Fatmir Limajt, Tomë Gashi.
“Sot jemi njoftuar nga kryetari i trupit gjykues se aktgjykimi për rastin “Kleçka”, do të shpallet më 17 shtator dhe në atë ditë do të kemi vendimin përfundimtar në rigjykimin maratonë për Limajn dhe të tjerët. Nesër prokurori Salustro do ta parqesë fjalën përfundimtare, pas tij do të paraqitet edhe mbrojta e Limajt. Pastaj më 10 dhe 11 shtator, do të pasojnë fjalët përfundimtare të avokatëve të tjerë. Përfundimisht do ta kemi verdiktin definitiv më 17 shtator. Mbrojta e Limajt është e bindur se mund të kemi vetëm aktgjykim lirues për Fatmir Limajn dhe 9 bashkëluftëtarëve të tij, ngase me asgjë nuk është vërtetuar e kundërta e lirimit të Fatmir Limajt dhe të tjerëve në maj të vitit të kaluar. Ne kemi pasur një rigjykim, epilogu i të cilit në bazë të ligjit dhe drejtësisë është ditur që nga dita e parë”, ka thënë Tomë Gashi.