Kryetari i NISMA’s për Kosovën, Fatmir Limaj, sërish ka kërkuar nga qeveria që të jap dorëheqje.
Në një shkrim në Facebook, Limaj shkruan se çdo përpjekje për t’i ikur kësaj përgjegjësie, do ta thellojë më shumë krizën politike.
Postimi i plotë:
Ftoj koalicionin qeveritar që ta respektoj vendimin e Gjykatës Kushtetuese dhe të jap dorëheqjen. Gjykata ka konstatuar se qeveria ka shkelur kushtetutën duke nënshkruar marrëveshjen e parimeve për bashkësinë me shumicë serbe.
Çfarëdo hezitimi, apo çfarëdo tendence për ti ikur përgjegjësisë, pas këtij realiteti të ri juridiko-politik që solli vendimi i Gjykatës Kushtetuese do ta thelloj edhe më shumë krizën politike.
Një gjë është e qartë tashmë, Kosovën më nuk mund ta qeverisin ata që e kanë shkelur kushtetutën.
Zgjidhja e vetme, e shpejt, dhe normale është dorëheqja e qeverisë dhe të shkohet në zgjedhje, rrugë tjetër nuk ka pas këtij aktgjykimi të Gjykatës Kushtetuese.
F. L