Fatmir Limaj në dyvjetorin e themelimit të Nismës për Kosovën ka thënë se do të jenë zë i gjithë qytetarëve të pambrojtur e të pakënaqur.
Fatmir Limaj kishte nisur karrierën politike pas përfundimit të luftës duke u bërë njeriu kryesor në PDK pas Hashim Thaçit. Këtë pozitë e ka mbajtur deri në vitin 2010 kur EULEX’i kishte nisur një proces hetimor e gjyqësor ndaj tij. Para zgjedhjeve të fundit, Limaj themeloi partinë NISMA për Kosovën, me të cilën hyri në Parlament.
Ai sot ka kremtuar dyvjetorin e themelimit të partisë. Ka thënë se do të jenë zë i gjithë qytetarëve të pambrojtur e të pakënaqur.
Kryetari i Nismës për Kosovën, Fatmir Limaj, me rastin e dyvjetorit të themelimit të partisë së tij, ka bërë thirrje për mobilizim për ta bërë sa më të fuqishëm zërin e Nismës në çdo pjesë të Kosovës.
Postimi i plotë i Fatmir Limajt në profilin e vet në “Facebook”:
Sot është një ditë e veçantë për të gjithë ne, anëtarët dhe simpatizantët e subjektit tonë politik, që sot mbushi dy vjet, NISMA për Kosovën.
Duke ju falënderuar punës tuaj të palodhshme, NISMA ka arritur të bëhet pjesë e çdo familje në tërë vendin, ku zgjerimi dhe formimi i degëve dhe nëndegëve tona e tregon këtë më së miri.
NISMA për Kosovën është dhe do të jetë për të gjithë ata njerëz të pa mbrojtur, gjithë ata njerëz që janë të pa kënaqur, ne do të jemi zëri i tyre edhe në të ardhmen, dhe ju ftoj që të mobilizohemi për ta bërë sa më të fuqishëm zërin e Nismës në çdo pjesë të Kosovës.
Urime dyvjetorin e themelimit të Nismës. Urime!