Ferizaj ka qenë shumë afër të bëj një hap të madh drejt shpëtimit sot në Prizren, por një penallti e akorduar nga gjyqtari në minutat shtesë të ndeshjes ka shpëtuar Lirinë.
Fillim Guraziu ka shënuar golin e parë të tij për Lirinë për të barazuar rezultatin 1-1, pasi që më parë në zonë u ndal palejueshëm Liridon Fetahaj dhe kështu bardhezinjtë mbajtën distancën ndaj Ferizajit në klasi×kim, por humbën rastin e madh për të krijuar distancë të konsiderueshme ndaj tyre.
Ka qenë Milan Ristovski që i dha epërsinë në pjesë të parë Ferizajit, pas një gabimi të mbrojtjes së vendasve.
Ferizaji ka qenë shumë më i mirë se Liria në aspekt ekipor sot dhe ka ditur kur të sulmojë, duke qenë i koncentruar jashtëzakonshëm në mbrojtje. Në fund, rezultati 1-1 është shumë më i dobishëm për Ferizajin që tashmë mund të shpresojë edhe më shumë në shpëtim, sesa për Lirinë që duhet nxjerrë patjetër pikë si mysafr diku.