10.8 C
Prizren
E premte, 19 Prill, 2024

Lubizhda e Prizrenit do të bëhet me ujësjellës, komuna jep mbi 700 mijë euro tender

Komuna e Prizrenit, e cila udhëhiqet nga Shaqir Totaj, do të japë mbi 700 mijë euro për ndërtimin e ujësjellësit dhe rezervuarit në fshatin Lubizhdë.

Punët i janë besuar konsorciumit, “JOOS & KRASNIQI” dhe “SABA BELCA”, që njëherit është rekomanduar për kontratë të hënën.

 

 

Kontrata mes palëve pritet të finalizohet pas pak ditësh.

Tenderi, ku kriter kryesor për dhënie ishte çmimi më i ulët, është zhvilluar përmes procedurës së hapur.

Patën aplikuar gjithsej nëntë kompani.

Oferta e konsorciumit fitues prej 726 mijë eurove nuk ishte më e lira, por në fakt ishte e vetmja  që u vlerësua si e përgjegjshme.

 

 

“Juve ju është dhënë kontrata me çmimin e saktësuar në tenderin tuaj prej 726823.00 Euro. [OPCIONI: pas korrigjimit të gabimeve aritmetikore] dhe në pajtim me afatet dhe kushtet e dosjes së tenderit. Dhënia e kontratës është e përkohshme dhe nuk përbën një marrëveshje kontraktuale deri në skadimit te intervalit, gjatë të cilit ofertuesit e pasuksesshëm mund të kërkojnë shqyrtimin e vendimit”, thuhet në letrën dërguar grupit të operatorëve fitues.

Konsorciumi tjetër, “Fortesa” dhe “Benita Company”, konkurroi me çmim më të lirë, 587 mijë euro.

Megjithatë oferta  u vlerësua administrativisht e  papërgjegjshme.

“Ju keni caktuar me vendim menaxher te projektit Valon Etemin i cili është Inxhinier i diplomuar i ndërtimtarisë – drejtimi konstruktiv por nuk është Inxhinier i diplomuar i ndërtimtarisë drejtimi Hidroteknikës sipas kërkesës në ofertë”, thuhet në vendimin e komunës së Prizrenit dërguar kompanisë së eliminuar.

Edhe ofertat e kompanive tjera u eliminuan për arsye të kësaj natyre.

Komuna e Prizrenit kishte paraparë mbi 1.2 milionë euro për ndërtimin e ujësjellësit dhe rezervuarit në fshatin Lubizhdë./Frontal Online

Më Shumë

Parashikohet rënie e temperaturave në javën e ardhshme

Instituti Hidrometeorologjik i Kosovës ka njoftuar se për javën e ardhshme parashihen ulje e temperaturave të vlerave ekstreme dhe reshje të shiut. E hëna...

Barcelona refuzon një ofertë të majme për Raphinhan, kërkon 20 milionë më shumë

Raphinha pritet të largohet nga Barcelona në afatin kalimtar të verës, por vetëm për ofertën e duhur. Sulmuesi brazilian ka shpërthyer në javët e fundit...

Lajmet e Fundit