Muaj tetor e ka zënë Lumëbardhin e Prizrenit të pa pastruar. Ai ende i përngjan një livadhi me bar. Fotot që janë realizuar sot tregojnë se një pjesë e Lumëbardhi ka mbetur në harresë nga Komuna e Prizrenit.
Javën e kaluar Qeveria e Turqisë ka shprehur gadishmërin që të ndihmojë rregullimin e Lumëbardhit në Prizren. Drejtori i Shërbimeve Publike, Hasan Hasani, ka thënë se Turqia është duke realizuar projektin “ Pastrimi dhe riparimi i mureve të Lumëbardhit”. Ndërkaq, ky pastrim është bërë vetëm në pjesën e qendrës së qytetit, por jo edhe në vendet e tjera.
Hasani ka treguar se ky shtet po ashtu do të investojë edhe në ndriçimi i disa urave në qytetin e Prizrenit. “Me realizimin e këtij projekti Turqia po e ndihmon qytetin tonë në planin e infrastrukturës”, ka thënë Hasani.
Sipas tij, Komuna e Prizrenit ka bërë një marrëveshje mirëkuptimi me shtetin e Turqisë dhe e ka dhënë pëlqimin për realizimin e këtij projekti. “Komuna e Prizrenit në emër të qytetarëve falënderon Qeverinë e Turqisë dhe e përshëndet realizimin e këtij dhe shumë projekteve tjera”, tha Hasani./PrizrenPress.com/