16.8 C
Prizren
E hënë, 26 Shtator, 2022

Malaziasit do t’i njohim me Kushtetutë

Hashim Thaci14-24Zëvendëskryeministri njëherësh ministri i Punëve të Jashtme, Hashim Thaçi ka bërë me dije se Kosova së shpejti do të ndryshojë Kushtetutën dhe do t’ua njohë malaziasve statusin e pakicës kombëtare.

“Do t’i votojmë ndryshimet kushtetuese. Me këto ndryshime edhe malaziasit do t’i kenë përfaqësuesit e tyre në Kuvendin e Kosovës, duke marrë pjesë në zgjedhje. Me këtë, ndoshta do të sigurojnë edhe vend në Kuvend të Kosovës dhe të kenë përfaqësues edhe në Qeveri. Në këtë drejtim ekziston dëshira ime personale dhe këto ide do të kenë mbështetjen time”, ka thënë Thaçi në emisionin “U centar” të Radio Televizionit të Malit të Zi (RTGC), përcjell Indeksonline.

Thaçi ka vlerësuar se marrëdhëniet e Kosovës dhe Malit të Zi tradicionalisht janë të mira dhe se të dy shtetet gjithmonë kanë jetuar në fqinjësi të mirë dhe këtë e kanë përcjellë me gjenerata.

“Kosova dhe Mali i Zi kanë bashkëpunim të shkëlqyeshëm. Edhe liderët e Malit të Zi edhe ata të Kosovës vazhdimisht kanë investuar në këto raporte, të cilat sot vlerësohen edhe në bashkësinë ndërkombëtare. Ne si dy vende nuk e kemi asnjë çështje të hapur, por ekzistojnë disa që gradualisht po zgjidhen, në mënyrë që sa më shpejt të anëtarësohemi në NATO dhe BE”, ka thënë Thaçi.

Më Shumë

“Hoteli është një shtëpi e dytë”, Dafina Zeqiri vjen plot stil në pozat e reja

Këngëtarja e njohur, Dafina Zeqiri ka përmbyllur një sezon verore tejet të suksesshme me angazhime të shumta në koncerte dhe mbrëmje muzikore. Ndërsa, tani ajo...

Tre gjigandët e Serie A në garë për Kante

N’Golo Kante është në vitin e fundit të kontratës me Chelsea-n. Mesfushori francez pritet të largohet në fund të sezonit dhe tre klubet nga...

Lajmet e Fundit