Manchester United thuhet se ka identifikuar sulmuesin danez, Rasmus Hojlund, si një nga objektivat e tyre kryesorë për verën dhe së shpejti do të dërgojë një ofertën e parë drejt klubit të tij, Atalanta-s.
Sulmuesi 20-vjeçar iu bashkua klubit italian në verën e kaluar nga skuadra austriake Sturm Graz në një marrëveshje me vlerë rreth 17.2 milionë euro, një shifër që reflekton aftësitë dhe potencialin e tij.
Ai nuk zhgënjeu në sezonin e tij debutues në Bergamo, duke shënuar 10 gola dhe duke dhënë katër asistime në 34 ndeshje nën drejtimin e trajnerit italian, Gian Piero Gasperini.
Së fundmi, Hojlund nënshkroi me agjencinë “SEG”, që gjithashtu përfaqëson trajnerin e Manchester United, Erik ten Hag, diçka që mund të jetë një aluzion i gjërave që do të vijnë në afatin kalimtar të verës.
Siç raportohet nga “La Gazzetta dello Sport”, Manchester United së shpejti do t’i paraqesë një ofertë Atalanta-s për Hojlund, i cili ka një çmim prej 60 milionë euro.
“Djajtë e Kuq” janë tifozë të yllit të Napolit, Victor Osimhen, por nuk janë të gatshëm të paguajnë aq shumë para sa kërkon presidenti i klubit për shitjen e tij.
Kjo është gjithashtu arsyeja pse ata kanë pushuar së kërkuari sulmuesin e Tottenham-it, Harry Kane.
Pra, thënë ndryshe Manchester United nuk është i gatshëm të shpenzojë mbi 100 milionë euro për një sulmues dhe profili ideal do të ishte danezi nga Atalanta.Albanian Post