24.8 C
Prizren
E shtunë, 25 Maj, 2024

Mancini për Balotelli-n: Ai kapitull është mbyllur

Trajneri i Italisë, Roberto Mancini, ia ka mbyllur derën përfundimisht rikthimit të Mario Balotelli-t në skuadrën e tij.

Mungesa e opsioneve të sulmit nga lëndimi i Ciro Immobile ka bërë që Mancini të shkojë në Argjentinë për alternativa, duke sjellë Mateo Retegui nga Tigre në Argjentinë, i cili është i disponueshëm falë prejardhjes italiane.

Në anën tjetër, Balotelli ishte përpjekur të propozonte veten për kombëtaren, pasi kishte shënuar 14 gola në 36 paraqitje për të rriturit.

“Ka sulmues italianë dhe ata janë në formë të mirë – më besoni”, kishte shkruar ai në Instagram.

 

Kur kjo gjë iu përmend Mancinit gjatë intervistës së mbrëmshme me gazetarët në një ngjarje të FIGC-së, tekniku italian tha se kjo gjë nuk do të ndodhë.

“Unë mendoj se ai kapitull është i mbyllur”, ka thënë Mancini për Balotelli-n, shkruan “Sky Sport”.

Balotelli aktualisht po luan për skuadrën zvicerane FC Sion, duke shënuar pesë gola në 15 ndeshje të Superligës.

Qendërsulmuesi kishte punuar me Mancini-n në Inter dhe Manchester City, të dyja përvojat që kulmuan në terrenin e stërvitjes dhe përplasjet mes tyre.

Mancini më pas kujtoi Balotelli-n për Italinë, duke i dhënë atij tre paraqitje kundër Arabisë Saudite, Francës dhe Polonisë në vitin 2018. Albanian Post 

Më Shumë

“Çfarë ndërtuam bashkë e shkatërrove”, Besi i dërgon mesazh Xhensilës

Divorci mes Bes Kallakut dhe Xhensila Myrtezajt është më i përfoluri i momentit. Jeta e tyre private ka përbërë gjithmonë interes për publikun, por...

Kërkohet ndihmë për shërimin e 18-vjeçarit, Argjend Jonuzaj nga Prizreni

Argjend Jonuzaj nga Komuna e Prizrenit ka nevojë për ndihmën tuaj. 18-vjeçari është diagostifikuar me Leukemi, trajtimi i kësaj sëmundje i cili bëhet vetëm jashtë...

Lajmet e Fundit