Ministria e Arsimit dhe Shkencës, me përkrahjen e UNICEF-it, ka zhvilluar një modul të ri për regjistrim të rasteve të dyshuara dhe të konfirmuara me COVID-19 të nxënësve dhe personelit arsimor.
MASH ka zhvilluar aplikacionin – Sistemi për regjistrimin e rasteve me COVID-19- me qëllim të krijimit të lehtësirave në marrjen e informatave nga terreni për situatën pandemike në shkolla në kohë reale, informata të cilat do të lehtësojnë punën e task-forcave në nivel të shkollave, të komunave dhe të ministrisë për përcjelljen e procesit mësimor në kushte pandemie.
MASH ka kërkuar nga të gjitha shkollat, respektivisht DKA-të, që të raportojnë sa i përket situatës pademike në shkolla në baza ditore për rastet e dyshuara dhe të konfirmuara me koronavirus.