Ministria e Arsimit, Shkencës dhe Teknologjisë vlerëson aktin moral të dorëheqjes së rektorit të Universitetit Publik “Hasan Prishtina”, Ibrahim Gashi, në funksion të zhbllokimit të funksionimit normal të punës së Universitetit.
MAShT njofton se është duke vazhduar punën e filluar për plotësim ndryshimin e Ligjit për Arsimin e Lartë me qëllim që të mbështesë edhe forcimin e autonomisë së UP-së dhe të gjitha institucioneve të arsimit të lartë.
“Në këtë drejtim, MAShT inkurajon organet drejtuese të Universitetit Publik “Hasan Prishtina” dhe Kuvendin e Republikës së Kosovës që të bëjnë plotësim ndryshimin e Statutit të Universitetit “Hasan Prishtina””, thuhet në një komunikatë të MAShT-it.
Qeveria e Kosovës dhe MAShT mbesin të përkushtuara për të mundësuar dhe garantuar funksionimin e autonomisë së plotë të Universitetit Publik “Hasan Prishtina” dhe të gjitha institucioneve të arsimit të lartë në Kosovë.