23.8 C
Prizren
E martë, 9 Gusht, 2022

Mbi 20 milionë tonelata grurë i bllokuar, Ukraina kërkon rrugë të reja

Plot 22 milionë tonë grurë janë të bllokuar në Ukrainë, me presionin që po rritet pasi korrjet e reja kanë filluar.

Vendi shpërndan rreth 30 për qind të drithërave të tij në Evropë, 30 për qind në Afrikën e Veriut dhe 40 për qind në Azi. Por me bllokadën detare ruse, miliona tonelata të korrjeve të vitit të kaluar nuk mund të arrijnë në destinacionet e caktuara.

“Nuk ka një çmim të mirë për drithërat tona. Depot e magazinimit i refuzojnë ngarkesat dhe njerëzit duhet t’i lënë këtu. Vija e frontit nuk është larg. Në çdo moment mund të marrë fund gjithçka nga bombardimet, ose duke i vënë zjarrin fushave”, thotë fermeri Yurii Vakulenkv.

Punonjësit rrezikojnë jetën çdo ditë dhe shpesh herë pengohen nga raketat që gjenden në fusha. Magazina e fermerit Oleksandr Chubuk, në qendër të Ukrainës, duhet të ishte e boshatisur, por ajo është e mbushur me drithëra që nuk mund t’i eksportojë.

“Drithërat ukrainase nuk mund të hyjnë në tregun ndërkombëtar pasi portet janë të bllokuara. Rruga detare është më e rëndësishmja. Për këtë arsye, kërkesa për grurë ka rënë. Aktualisht po kërkojmë disa rrugë të reja logjistike përmes Evropës, por Evropa nuk mund të menaxhojë gjithë këtë sasi drithërash që prodhojmë ne”, shprehet Chubuk.

Aktualisht 30 për qind të eksporteve kalojnë përmes porteve të lumit Danub në jug-perëndim të Ukrainës. Vendi po përpiqet të lëvizë drithërat përmes 12 pikave kufitare me vendet evropiane, por kamionët duhet të presin në radhë për ditë të tëra. /Telegrafi/

Më Shumë

Peci: 200 ton speca somborkë prodhim vendor do të nisen për eksport në Suedi

Ministri i Bujqësisë, Pylltarisë dhe Zhvillimit Rural, Faton Peci ka njoftuar se sot po përgatiten 200 ton speca somborkë prodhim vendor për eksport në...

Zyrtare: Isco transferohet te Sevilla

Sevilla ka njoftuar se ka arritur marrëveshje me Iscon, për ta transferuar si lojtar të lirë. Isco do të nënshkruajë kontratë dyvjeçare, që do ta...

Lajmet e Fundit