Josip Juranovic ishte një nga futbollistët më të mirë të Kroacisë në Kupën e Botës.
Mbrojtësi i klubit të Celtic-ut bëri paraqitje të mira në Katar, ku kombëtarja e tij preku gjysmëfinalen, e më pas u eliminua nga Argjentina.
Pikërisht paraqitjet e mira të 27-vjeçarit në Kupën e Botës, kanë bërë që shumë klube të interesohen për të.
Për mbrojtësin e krahut të djathtë kanë shfaqur interes shumë klube, por Barcelona dhe Atletico Madrid janë ato që kanë hedhur hapa konkretë, duke kontaktuar përfaqësuesit e futbollistëve.
Vlera në treg e Juranovic thuhet se është rreth 20 milionë euro dhe këto klube pritet të tentojnë transferimin e tij gjatë dimrit.
Mbrojtësi kroat ka kontratë të lidhur me klubin skocez deri në verën e vitit 2026 dhe për ta shkëputur nga kjo thuhet se nuk është e lehtë.
Mediat e huaja raportojnë që Celtic nuk do të heqë dorë nga ai pa të paktën 25 milionë euro, sidomos pas paraqitjeve të tij të mira në Botëror