-1.2 C
Prizren
E hënë, 6 Shkurt, 2023

Prizren: Aktakuzë ndaj dy personave për blerje dhe shitje të narkotikëve

Prokuroria Themelore në Prizren, ka ngritur aktakuzë kundër të pandehurve A.D., dhe V.D., të cilët gjenden në paraburgim nga data 16.11.2022.

Të njëjtit dyshohet se kanë kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

“Sipas aktakuzës, i pandehuri A.D, fillimisht me datë 22.10.2022 përmes zbatimit të masave të fshehta dhe teknike të vëzhgimit dhe hetimit, haset nga Policia e Kosovës – DHTN në Prizren duke i shitur personave të tjerë substanca narkotike të llojit heroinë, derisa i pandehuri V.D me datë 06.11.2022 gjithashtu haset nga policia e Kosovës duke kryer aktivitetin e njëjtë kriminal, ashtu që Policia e Kosovës – DHTN në Prizren, pas zbatimit të Urdhrit për Kontroll të lëshuar nga Gjykata Themelore në Prizren – Departamenti për Krime të Rënda pas kërkesës paraprake të Prokurorit të shtetit, në shtëpinë e të pandehurve të A.D dhe V.D arrijnë të gjejnë dhe sekuestrojnë substancë narkotike të llojit heroinë në peshë të përgjithshme prej 805.5 gram”, thuhet në njoftimin për media të Prokurorisë.

Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprën penale për të cilën akuzohen të shpallen fajtorë dhe të dënohen sipas ligjit.

Më Shumë

Përfshihet nga zjarri një lokal në Korishë të Prizrenit

Një lokal ësh të përfshirë nga zjarri në fshatin Korishë të Prizrenit. Zjarrfikësit dhe policia kanë dal në vendin e ngjarjes. Nuk raportohet për të lënduar. Rasti...

Kurti e falënderon Erdogan për përkrahjen e Turqisë për anëtarësimin e Kosovës në NATO dhe në KiE

Kryeministri i Kosovës, Albin Kurti është duke qëndruar në Turqi për vizitë pune, ku edhe ka mbajtur një konferencë për media së bashku me...

Lajmet e Fundit