Parma po zhvillonte një sezon të mirë dhe ndodhej në vend të nëntë përpara pezullimit të kampionateve të futbollit nga koronavirusi. Skuadra emiliane ndodhet në garë për një vend në Europa League dhe është mbrojtja e pestë më e mirë në Serie A.
Një nga pikat e forta të skuadrës është Bruno Alves. 38-vjeçari portugez vazhdon të jetë një mur dhe lider në repartin e mbrojtjes. Statistikat e tij janë fantastike, duke e bërë mbrojtësin me më shumë duele të fituara në 5 kampionatet kryesore të Evropës.
Transfermarkt ka bërë një përmbledhje dhe Alves ndodhet në krye me 78.4% të duleve të fituara, duke lënë pas Van Dijk të Liverpool me 74.9%. I treti renditet Hanley i Norwich City, ndërsa pesëshja e parë plotësohet me Acerbi të Lazios dhe Tarkoëski i Burnley. “Beso gjithmonë në atë që bën. Qëndro i sigurt në shtëpi dhe vazhdo të stërvitesh”, shkruan mbrojtësi i Parmës në postimin e bërë në rrjetet sociale.