Ka përfunduar ndeshja ndërmjet Vllaznisë së Pozheranit dhe Lirisë, e cila në kuadër të javës së 26-të të Vala Superligës së Kosovës në futboll, u zhvillua në Gjilan. Ndeshja përfundoi pa fitues dhe me rezultatin më të padëshiruar në futboll, 0:0.
Pjesa e parë është karakterizuar me pak raste shënimi, madje në disa momente ka qenë edhe mjaft monotone. Në pjesën e dytë loja ishte pak më interesante, por asnjëra palë nuk arriti të shënojë.
Aktualisht Vllaznia gjendet në pozitën e fundit me 14 pikë, ndërsa Liria renditet në pozitën e tretë me 43 pikë.