Mësimdhënsit e Prizrenit, kanë pasur një kërkesë intersante për kryeministrin në largim Hashim Thaçin.
Ata kanë kërkuar nga Thaçi që në kuadër të premtimeve të parashikojë dërgimin e tyre në deti.
Një mësimdhënëse e Prizrenit, në emër të kolegëve ka kërkuar nga Thaçi që t’ia plotësojë dëshirën për t’i dërguar në deti.
”Kolegët po kërkojnë që të na qon edhe n’deti”, i ka thënë ajo Thaçit.
Kryeministri në largim Hashim Thaçi, ndërkaq ka refuzuar kërkesën e mësimdhënëses.
“Rrugën e Kombit e kam ndërtuar, edhe rrogat ua kam rritur, prandaj mund të shkoni edhe në deti”, i është përgjigjur Thaçi kërkesës së mësimdhënësve të Prizrenit.
Thaçi, ka shtruar sot darkë për mësimdhënësit e Prizrenit. Ai iu ka premtuar se për çdo vit do t’ua rrisë pagat nga 25 për qind. Thaçi po ashtu ftoi mësimdhënsit që të dalin në zgjedhje./PrizrenPress.com/