19.8 C
Prizren
E shtunë, 22 Qershor, 2024

“Mikey Boy”, filmi që shfaq cilësitë e mira të shqiptarëve

Film-MikeyBoyE përditshmja amerikane “Daily News” ka shkruar rreth aktorit hollivudian me origjinë shqiptare, Mikel Dusi, ylli i filmit “Mikey Boy”, premiera e të cilit do të shfaqet në Nju Jork ditën e sotme.

Filmi gjysme autobiografik, tregon se talenti dhe vullneti i madh i tij e shndërroi në një nga picierët legjendarë shqiptaro-amerikanë. Në film paraqitet çiltërsia, humori dhe përzemërsia e Mikelit, duke nxjerrë kështu në pah disa nga karakteristikat kryesore të kulturës shqiptare.

Filmi ka tërhequr vëmendjen e të gjithë shqiptarëve në Amerikë, të cilët presin me padurim të shohin premierën e tij. Mikel Dusi shprehet se që i vogël ka ndihmuar prindërit në picerinë që kishin hapur në Amerikë, duke i bërë ata të ndiheshin gjithnjë e më krenarë për djalin e tyre.

Ajo çfarë e karakterizon më së shumti këtë film është se dalin në pah elementë pozitivë të shqiptarëve, pasi në përgjithësi filmat e realizuar nga të huajt për Shqipërinë, si për shembull “Taken”, kanë errësuar imazhin e Shqipërisë duke i përshkruar shqiptarët si rrëmbyes dhe kriminelë.

Mikel Dusi është takuar edhe me Presidentin e Shqipërisë, Bujar Nishani, dhe nuk habitet aspak nga mbështetja e shqiptarëve, pasi kështu është natyra e vërtetë e tyre.

Më Shumë

Orë tmerri për legjendën e Italisë, merret peng, dhunohet, grabitet…

Roberto Baggio dhe familja e tij përjetuan momente terrori mbrëmë, teksa Italia ishte në fushë në ndeshjen kundër Spanjës. Siç raporton “Corriere del Veneto”, makthi...

IKShPK-ja del sërish me këshilla për mbrojtje nga temperaturat e larta

Temperaturat e larta që po shënohen këtyre ditëve ndikojnë negativisht në organizmin e njeriut sidomos te të moshuarit. Duke u ekspozuar në diell për...

Lajmet e Fundit