24.8 C
Prizren
E enjte, 18 Gusht, 2022

Latifi apelon për pjesëmarrje në zgjedhje

SmajlLatifi10-5Kryetari i Komunës së Rahovecit, Smajl Latifi, ka vlerësuar mbarëvjatjen e fushatës elektorale si të qetë. Gjithashtu, Përmes një letre drejtuar qytetarëve, gjithashtu ai ka kërkuar që qytetaret të kenë durimin e mjaftueshëm për të përmbyllur me sukses një proces zgjedhor demokratik.

“Të nderuar qytetarë të komunës së Rahovecit, më lejoni që përmes kësaj letre t’ju drejtohem dhe t’ju uroj zgjedhjet lokale të 3 nëntorit. Gjatë një muaji ne kemi qenë shumë shpesh pranë njëri-tjetrit, por komunikimi nuk na ka munguar as më parë. Besoj se nuk jeni mërzitur dhe se më 3 nëntor do të keni durimin e mjaftueshëm për të përmbyllur me sukses një proces zgjedhor demokratik. Fushata ka qenë kryesisht e qetë dhe ju keni pasur mundësinë të dëgjoni prezantimet e kandidatëve për kryetar të Komunës, të vlerësoni programet dhe projektet që janë prezantuar në opinion, duke ju ndihmuar juve që të merrni vendim më lehtë”, shkruan Latifi.

Latifi ka apeluar te qytetarët e Komunës së Rahovecit që të dalin të gjithë ata që kanë të drejtë vote dhe të shprehin vullnetin e tyre për njerëzit që dëshirojnë të jenë në shërbimin e tyre për katër vitet e ardhshme.

“Dalja në zgjedhje është obligim qytetar, prandaj ju bëj thirrje që të dilni të gjithë ju që keni të drejtë vote dhe të shprehni vullnetin tuaj për njerëzit që dëshironi të jenë në shërbimin tuaj për katër vitet e ardhshme. Mendoj se ju jeni ata që dini të vlerësoni më mirë dhe më drejt. Vullneti juaj do të respektohet pa asnjë diskutim, ndërsa vota juaj do të jetë obligim për ata që arrijnë të fitojnë besimin tuaj për kryetar të komunës së Rahovecit dhe për anëtarë të Kuvendit të Komunës.

Duke besuar në qartësinë e përcaktimit tuaj dhe në ndjenjën e përgjegjësisë qytetare, ju ftoj që më 3 nëntor të shfrytëzoni të drejtën tuaj ligjore për të marrë pjesë në zgjedhje dhe të shprehni vullnetin tuaj të lirë. Duke abstenuar në zgjedhje nuk i bëhet shërbim i mirë demokracisë, ngase me votë ju e përcaktoni vetë se me kë do të udhëtoni në katër vitet e ardhshme”, shkruan Latifi. /PrizrenPress.com/

Më Shumë

Suharekasi i dehur, me armë në dorë kërcënon anëtarët e familjes – motra thërret policinë për ndihmë

Përdorimi i alkoolit po u shkakton telashe të mëdha të rinjve kosovarë, të cilët shpesh humbin kontrollin mbi veprimet e tyre, duke u bërë...

Dy vajza nga Prizreni rrihen keq me njëra-tjetrën

Dy vajza nga Prizreni janë përleshur fizikisht mes vete, raporton PrisrenPress Si pasojë, ato i kanë shkaktuar lëndime njëra tjetrës dhe kanë pranuar tretman të...

Lajmet e Fundit