Ministri i Kulturës Rinisë dhe Sportit, Kujtim Gashi, po qëndron për vizitë zyrtare në SHBA.
Ai gjatë kësaj vizite ka zhvilluar takime të shumta me interes të veçantë për zhvillimin e politikave rinore në vendin tonë.
Ai ka takuar drejtorin e përgjithshëm të YMCA-së, në SHBA z. Paul McEntire, me ç’rast janë dakorduar që programet e kësaj organizate për të rinj të shtrihen edhe në Kosovë.
Po ashtu, ministri Gashi sot gjatë ditës ka takuar edhe komunitetin shqiptar në Chicago, të cilët janë shembull i veçantë i angazhimit dhe punës në SHBA por edhe i atdhedashurisë për vendin.
“Sa herë që udhëtoj jashtë Kosovës nuk kthehem pa i takuar vëllezërit tanë kudo që janë e punojnë”, ka thënë Gashi.
“ Ata me të vërtetë të bëjnë krenar me sukseset dhe punën e tyre”.
“ Një takim dhe bashkëbisedim të ngrohtë me bashkatdhetarët tanë të suksesshëm dhe me klubin ‘Street Eagles’ e zhvillova edhe në Çikago të ShBA-ve. Gjithkah nëpër botë shqiptarët po lënë gjurmë të mira në të gjitha fushat: sport, kulturë, biznes“, ka thënë Gashi .