Ministri i Arsimit, Ramë Buja, i ka ftuar të martën në një takim anëtarët e Këshillit Drejtues të Universitetit të Prizrenit, për t’iu treguar se nuk mund të mbështeten insistimet e tyre për të ndryshuar disa pika të Statutit, siç kanë kërkuar ata tri herë rresht.
Burime të “Kohës Ditore” kanë bërë të ditur se takimi i mbajtur në lokalet e Ministrisë ka rezultuar me paralajmërimet e ministrit Buja bërë anëtarëve të Këshillit Drejtues të UPZ-së se nuk do të tolerohet shkelja e ligjit rreth përzgjedhjes së rektorit të këtij universiteti.
Menaxhmenti i UPZ-së ka bërë tri herë kërkesë në Ministri për ndryshimin e Statutit, me qëllim që t’i hapin rrugë zgjedhjes së rektorit të këtij universiteti me kritere më të ulëta sesa që përcakton akti më i lartë juridik i këtij institucioni. Këtë gjë e pohon për gazetën edhe vetë kryetari i KD-së së UPZ-së, Avdullah Alia. /koha/