Një police është sulmuar fizikisht nga një vajzë e mitur. Sulmi ka ndodhur gjatë një kontrolli që Policia e Kosovës ishte duke bërë në disa lokale, të dyshuara për veprimtari ilegale.
Zëdhënësi i Policisë së Kosovës në Prizren, Hazir Berisha tha se gjatë kontrollit të disa lokaleve e mitura ka sulmuar një pjesëtare të Policisë.
“Gjatë këtij kontrolli në një nga objektet e dyshuara është identifikuar një femër e moshës së mitur, e cila është ndaluar nga Policia për shkak të sulmit ndaj një zyrtareje policore”, tha Berisha transmeton TVPZ.
Ai tregon se gjatë kontrolleve të lokaleve të dyshuara është arrestuar edhe një person tjetër.
Policia e Kosovës në bashkëpunim me inspektorët e ATK-së ka mbyllur pesë lokale në Prizren dhe Suharekë, pasi që nuk kanë pasur dokumente dhe kanë funksionuar për trafikim me qenie njerëzor.
Lokalet e mbyllura janë: Vila “Flamuri”, “ Tini”,” Relaks”, “Crazy Love” dhe objekt A1/PrizrenPress.com/