Luka Modric ishte në formë brilante teksa Real Madrid bëri një rikthim të jashtëzakonshëm për të eliminuar Paris Saint-Germain nga Liga e Kampionëve të mërkurën mbrëma.
Është zbuluar se 36-vjeçari ka folur për një profeci para ndeshjes me një mik të tij se çfarë do të ndodhte nëse Real Madrid do të mposhte klubin parisien.
Të mërkurën, Poli Rincon i El Partidazo de COPE zbuloi parashikimin e tij për Los Blancos në Ligën e Kampionëve nëse ata do të mundnin PSG-në.
“E thashë në këtë program: nëse Real Madridi fiton ndeshjen, ata do ta fitojnë kompeticionin. Nuk kam asnjë dyshim”, tha ai.
Në përgjigje, Paco Gonzalez deklaroi se Modric ndante të njëjtin vizion.
“Ajo që sapo the, Poli, Modric i tha të njëjtën gjë mikut tim dje: ‘Nëse mposhtim PSG-në, do të fitojmë Ligën e Kampionëve’”, konfirmoi ai.
Mesfushori qendror kroat tani po synon trofeun e tij të pestë në Ligën e Kampionëve dhe ishte në qendër të festimeve të egra në dhomën e zhveshjes pas fitores ndaj PSG-së.
/Albanianpost.com