Skena xhelozie të jashtëzakonshme për Kate Moss që ka patur një diskutim thuajse të dhunshëm me Lindsay Lohan në një klub nate në Londër.
Në qendër të diskutimeve duket se është bashkëshorti i top modeles, Jamie Hince. Sipas tabloidit “The Sun”, Lohan kishte shkëmbyer disa biseda gjatë natës me kitaristin e “The Kills” pasi të dy kishin punuar në një projekt muzikor vitin e kaluar.
“Rivaliteti mes të dyjave ka pak kohë që ka nisur dhe Kate duket shumë e bezdisur që Lindsay vazhdon të mbajë kontakte me Jamie. Moss nuk ka qenë aspak e lumtur nga fakti që Lindsay ka vendosur të qëndrojë në Mbretërinë e Bashkuar për një kohë të pacaktuar. Nuk i kanë mirë punët së bashku dhe dihej që herët a vonë do të takoheshin në ndonjë lokal nate”, thotë një burim për “The Sun”.
Edhe Lohan duket se nuk ka ndonjë qëllim që të bëjë bagazhet gati dhe të niset në Shtetet e Bashkuara të Amerikës duke patur parasysh se ndodhet në Britaninë e Madhe për një projekt, ku do marrë pjesë në një shfaqje teatri të quajtur “Speed the Plow”