Ish- kryetari i Klubit Letrar “Fan S. Noli” në Prizren, Muharrem Gashi nuk është i kënaqur me aktivitetet kulturo-artistike që organizohen në këtë qytet. Ai thotë se Prizreni meriton më shumë aktivitete kulturore.
“Prizreni meriton më shumë aktivitete kulturore e arstike”, tha Gashi në emisionin “Harku” të TV Opinion-it.
Muharrem Gashi për dy mandate ka qenë kryetar i Klubit Letrarë “Fan S.Noli” në Prizren.Ai është profesor në Gjimnazin “Gjon Buzuku” në Prizren.
Gashi tregon se numri i aktiviteteve letrare në kohën sa ka qenë kryetar i “Fan S.Nolit”, ka qenë më i madh se sa sot.
“Ka pas raste ku brenda ditës i kemi mbajtur tri takime letrare”.
Sipas tij, “Fan S. Noli” në atë kohë është përbërë me emra të respektuar dhe të njohur të letërsisë në Prizren dhe më gjerë.
“Nuk guxoj të mos i përmend emrat e respektuar sic janë:Xhafer Kabashi, Rexhep Smajlaj, Abdullah Thaçi, Hajdar Mallaku e shumë të tjerë”.
“Përveç në Prizren,kemi marrë pjesë edhe në aktivitete të ndryshme letrare në shumë qytete të tjera të Kosovës dhe Shqipëri”.
Gashi shpreson se në të ardhmen do të shtohet numri i aktiviteteve kulturo-artistike në Prizren.
“Prizreni dhe qytetarët meritojnë më shumë”,shprehet ai./PrizrenPress.com/