Kryetari i Komunës së Prizrenit, të cilin PDK-ja e ka rikandiduar edhe për një mandat për të qeverisur këtë komunë, ka thënë se do të fitojë bindshëm në zgjedhjet lokale të 3 nëntorit.
Muja ka thënë se nuk i aka frikën asnjë kundërkandidati në garën për Prizren, as Eqrem Kryeziut. “ Kryeziu është në siklet. Ai do të përjetojë edhe më keq humbjen e 3 nentorit se atë në zgjedhjet e 2007”, ka thënë Muja për “Epkën e re”.
Pavarësisht se është në një process gjyqësor, Muja është shprehur i sigurt se do të ketë mbështetje edhe më shumë nga qytetarët. “Jam shumë i sigurt se ky rast nuk do të ndikojë negativisht sepse në atë aktakuzë nuk ka bazë për vepër penale.Nuk kam bërë vepër penale, pork am bërë vepër humane. Trualli që ua kemi dhënë në shfrytëzim shkollës “Mehmet Akif” dhe Fabrikës së Çokolladës është vepër humane”, ka thënë Muja. Sipas tij, në këto vende janë punësuar 320 punëtorë.