Nga katërmbëdhjetë fakultete sa ka gjithësejt Universiteti i Prishtinës, një numër i vogël i tyre u mundësojnë studentëve bërjen e praktikës në institucione jashtë atij akademik.
Njëri ndër ta është edhe Fakulteti Juridik i cili ka një numër të madh studentëve e që vetëm një përqindje tejet e ultë arrijnë të bëjnë praktikë në institucione të ndryshme.
Gjyljeta Mushkolaj ushtruese e detyrës së dekanes në Fakultetin Juridik thotë për Tribuna Channel se kane një numër të madh të studentëve dhe jo të gjithë kanë mundësinë për zhvillim të karrierës profesionale jashtë institucionit akademik.
Tribuna Channel ka kontaktuar me Rektoratin e UP-së që të marrim informata të përgjithshme për gjendjen e praktikave në studime themelore dhe përgjegjia e tyre ka qenë që secili dekan i fakulteteve përkatëse duhet të mundohet që studentëve tua mundësojë bërjen e praktikës në institucione të ndryshme jashtë fakultetit përkatës.