Pas vizitës së senatorit amerikan, Christofer Murphy, në Kosovë, liderët e subjekteve politike i kanë ulur “gjakrat” rreth tejkalimit të ngërçit politik.
Madje, brenda kësaj jave partitë që kanë formuar Bllokun LAN do t’i drejtohen Gjykatës Kushtetuese për të dhënë sqarime shtesë lidhur me konsumimin e PDK-së për bërjen e qeverisë dhe interpretimin e pikës 127.
Bajram Gecaj, nga LDK-ja, ka thënë se koalicioni nuk ka lëvizur aspak nga qëndrimet e tij edhe përkundër vizitës së senatorit amerikan, Christofer Murphy. “Vizita e tij aspak nuk mund të kuptohet si presion mbi klasën politike në vend. Gjatë kësaj jave ne do t’i drejtohemi Gjykatës Kushtetuese për t’i thënë se vendimin që e ka sjellë nuk po funksionon, atëherë Gjykata duhet ta gjejë zgjidhjen”, ka thënë Gecaj./zeri/