Analisti politik, Imer Mushkolaj mendon se pozita dhe opozita duhet të reflektojnë.
Sipas tij, sekretari amerikan John Kerry, u ka thënë qartë liderëve të vendit, se nuk duhet të pranohet asnjë marrëveshje e dëmshme për vendin.
“Deklarata e Kerryt për marrëveshjet dhe veprimet politike ishte një mesazh shumë i qartë. Kjo deklaratë duhet të shërbejë si udhërrëfyes për pushtetin dhe opozitën”, thotë Mushkolaj.
“Pakënaqësitë dhe problemet rreth marrëveshjeve me Serbinë duhet të zgjidhen në Kuvend dhe nuk duhet pranuar asnjë marrëveshje e dëmshme”.
“Do të duhej që palët të reflektonin seriozisht pas këtij mesazhi të drejtpërdrejtë”, thotw Mushkolaj për Gazetën Blic.
Sipas tij, sekretari amerikan ishte i qartë edhe për luftimin e korrupsionit dhe për krijimin e Gjykatës Speciale.
“Ai foli hapur edhe për luftimin e korrupsionit dhe krijimin e Gjykatës Speciale. Këto deklarata duhet t’i kuptojnë drejt ata që me muaj po përpiqen ta zvarritin çështjen e krijimit të Gjykatës Speciale, për shkak se mund të jenë vetë të proceduar për krime”, thotwë Mushkolaj.