Po vazhdon seanca ku po dëshmon Rrustem Mustafa, ish-komandant i Zonës Operative të Llapit, në rastin ‘Thaçi dhe të tjerët’. ZPS-ja po vazhdon marrjen në pyetje të dëshmitarit të saj të 13-të, Rrustem Mustafa.

Prokurorja e ZPS-së, Clare Lawson, ka pyetur Rrustem Mustafën për financimin e luftës së UÇK-së.

Mustafa tha se luftën e kanë mbështetur shqiptarët me financim qoftë nga brenda Kosovës, apo edhe jashtë saj. Po ashtu Mustafa është pyetur edhe rreth Marrëveshja e Rambujes.

Ai bëri me dije se ka qenë pro që të dërgohen përfaqësues të UÇK-së në Rambuje, por Mustafa tha se ka mbështetur që Adem Demaçi të jetë pjesë e delegacionit, por ky i fundit nuk pranoi të jetë pjesë në delegacion.  Mustafa po ashtu tha se ka qenë kundër Marrëveshjes në fillim, por pasi që delegacioni u krye në Kosovë për konsultime, ai shprehu përkrahje, raporton RTKlive.

“Kam folur me miq, kam folur edhe nga jashtë, edhe z.Adem Demaçi, tha se duhet të vazhdohet rruga”, tha ai.

LIVE|Rrustem Mustafa, vazhdon dëshminë në gjykimin ndaj Thaçit e të tjerëve

Prokurorja e ZPS-së, Clare Lawson, ka filluar marrjen në pyetje të dëshmitarit.

 

Sot në Hagë në Dhomat e Specializuara të Kosovës, vazhdon gjykimi ndaj Thaçit dhe të tjerëve.

Edhe sot në Gjykatën Speciale vazhdon dëshminë Rrustem Mustafa, ish-komandant i Zonës Operative të Llapit.

Ndryshe dje në Gjykatën Speciale ka dhënë dëshminë Rrustem Mustafa. Prokurorja e ZPS-së, Clare Lawson, ka pyetur dëshmitarin Mustafa për funksionimin e Zonës së Llapit. Ajo ka shfrytëzuar librat që janë botuar më parë në Kosovë për t’i bërë pyetje Mustafës. Po ashtu është pyetur edhe për kodet që janë përdorur në kohën e luftës.

Prokurorja Lawson ka pyetur edhe për numrat e telefonit që janë përdorur në kohën e luftës, për të cilin Mustafa tha se nuk iu kujtohet numri i telefonit që ka përdorur ai, raporton RTKlive.

Mustafa tha se nuk ka qenë komunikimi i mirë përmes telefonit, pasi që telefonat janë kontrolluar nga Serbia, por për nevoja kanë përdorur telefona satelitor. Para gjykatës, ai ka thënë se kanë përdorur radiolidhje, telefona, por kanë pasur direkt takime sy me sy, raporton RTKlive. Për radiolidhjet dhe telefonat që i kanë përdorur, Rrustem Mustafa, tha se janë sjellë nga shtetet perëndimore dhe kanë qenë disa. Ai bëri me dije se janë sjellë nga mërgimtarët.

Lawson ka kërkuar të shtohet në listën e provave një dokument që dëshiron ta përdorë gjatë marrjes në pyetje të dëshmitarit.“Është çështje anashkalimi sepse kemi pasur shume materiale, është bërë e ditur nga viti 2021, dokument që dëshmitari e ka identifikuar më herët, është i shkurtë dhe lidhet me çështjet që janë njoftuar dhe nuk cenon palët”, tha ajo kur u pyet pse nuk e kanë shtuar këtë dokument deri më tani.

Të pranishëm dje në sallën e gjyqit kanë qenë të gjithë të akuzuarit, Thaçi, Veseli, Selimi dhe Krasniqi.