Deputeti i Partisë Demokratike të Kosovës, Nait Hasani ka theksuar se demarkacioni me Malin e Zi përfundimisht ka dështuar.
Në një prononcim për Gazeta Blic ka thënë se shumë deputetë të PDK-së i janë bashkuar qëndrimeve të tij kundër demarkacionit.
Po, tjerët nga PDK-ja janë kthyer nga ana ime, të më përkrahin për të mos kaluar, ka theksuar Hasani.
Ai ka folur edhe për zgjedhjet e ardhshme. Sipas tij, njëherë duhet të përmbyllet çështja e demarkacionit dhe pastaj shkojmë në zgjedhje të reja.
Sa i përket zgjedhjeve, njëherë duhet të përmbyllet demarkacioni, e pastaj të shkojmë në zgjedhje, i ka thënë Hasani Gazetës Blic.
Kohëve të fundit, në PDK janë shtuar zërat kundër demarkacionit. Dy nga njerëzit më të fuqishëm në këtë parti, Adem Grabovci e Xhavit Halitit kanë dalë kundër këtij procesi.
Opozita, ndërkaq ka paralajmëruar masa radikale kundër miratimit të Demarkacionit në Kuvend./ Gazeta Blic