25.9 C
Prizren
E diel, 14 Shtator, 2025

NATO ‘deklasifikon’ pamjet: Aeroplani rus shumë afër atij të aleancës – gabim që mund të çonte në një përshkallëzim të rrezikshëm

Disa pamje të rralla “të deklasifikuara” të cilat thuhet se janë bërë nga kabina e një aeroplani të NATO-s zbulojnë një “takim shumë të afërt” me një aeroplan ushtarak rus.

Sipas mediave të huaja, përcjell Telegrafi, bëhet fjalë për pamje që janë marrë në qiellin evropian dhe që tregojnë se si “një gabim në ajër mund të çojë në një përshkallëzim të rrezikshëm”.

Aty, siç bëhet e ditur, një pilot çek filmoi një aeroplan ushtarak rus nga kabina e aeroplanit të tij teksa kryente stërvitje të rregullta mbi Detin Baltik në Evropë.

Takimi i rrezikshëm nga afër ka ndodhur për shkak se aeroplani rus po fluturonte shumë afër hapësirës ajrore të NATO-s dhe për këtë arsye, aeroplanët luftarakë të bllokut u ngritën për ta përgjuar atë.

“Unë mund ta identifikoj aeroplanin, por nuk mund të them se çfarë lloji është. Ishte një aeroplan ushtarak jo i NATO-s”, ka thënë piloti.

Ndërsa kur u pyet nëse ishte një aeroplan rus, piloti u përgjigj: “Mos pyesni”.

Dhe NATO më vonë kishte konfirmuar zyrtarisht se ishte një aeroplan rus. /Telegrafi/

Më Shumë

Rreth 60 mijë vetë në Hardh Fest – Policia garantoi rendin gjatë festivalit në Rahovec

Nga data 05 deri më 07 shtator 2025, në Bërnjakë – Rahovec u zhvillua Festivali i Rrushit, Verës dhe Kulturës, “Hardh Fest 2025”. Drejtoria...

Emin Bajrami largohet nga Rahoveci pas tre barazimeve radhazi

Trajneri Emin Bajrami ka njoftuar largimin e tij nga drejtimi i klubit Rahoveci, pas tre ndeshjeve të para të sezonit që përfunduan me barazime,...

Lajmet e Fundit