Milwaukee Bucks ka arritur fitoren në super duelin e së mërkurës përballë Lakers.
Në një natë plot aksion, u zhvilluan 11 ndeshje që sollën edhe surpriza.
Takimi kryesorë i natës ishte ai mes kampionëve në fuqi të Milwaukee Bucks dhe Los Angeles Lakers.
Në një ndeshje me dy fytyra, Bucks arriti fitoren me shtatë pikë epërsi.
109-102 ishte rezultati përfundimtar, në një natë ku fytyra kryesore e takimit ishte Giannis Antetokounmpo.
The Greek Freak shënoi plot 47 pikë, duke i shtuar edhe nëntë kërcime dhe tre asistime.
Bucks janë vetëm të 11-tit në lindje, me shtatë fitore pas 15 takimesh, kurse Lakers ndodhen në vendin e tetë në perëndim, me rekord tetë-tetë.
Fitoren e arriti edhe Phoenix Suns, për të konfirmuar formën e mirë që po kalojnë.
105-98 ishte rezultati përfundimtar i ndeshjes që ata zhvilluan përballë Dallas Mavericks.
Devin Booker ishte lojtari i takimit, me 24 pikë e nëntë kërcime.
Suns janë në vendin e dytë në perëndim, me 11 fitore pas 14 takimesh. Dallas ndodhen në vendin e gjashtë, me nëntë fitore pas po kaq ndeshjesh,
Humbje pësuan Bulls dhe Wizards, përkatësisht nga Portland Trail Blazers dhe Charlotte Hornets.
Nga këto humbje përfitoi Brooklyn Nets. Ata arritën fitoren 109-99 përballë Cleveland Cavaliers, duke u ngjitur në vendin e dytë në lindje, me 11 fitore pas 16 takimesh.
James Harden ishte pikëshënuesi më i mirë i takimit, the beard arriti 27 pikë, dhjetë kërcime dhe shtatë asistime.
Ndeshjet tjera përfunduan kështu:
Detroit Pistons 97-89 Indiana Pacers
Atlanta Hawks 110-99 Boston Celtics
Miami Heat 113-98 New Orleans Pelicans
New York Knicks 98-104 Orlando Magic
Minnesota Timberwolves 107-97 Sacramento Kings
Oklahoma City Thunder 101-89 Houston Rockets
/Albanianpost.com