Ka ndërruar jetë aktori i njohur shqiptar Fatos Sela, raporton BW. Aktori i njohur 65-vjeçar vuante nga një sëmundje e rëndë.
Fatos Sela u dekorua me urdhrin më të lartë nga ish-presidenti Bamir Topi. Ky aktor ka marrë urdhrin “Mjeshtër i Madh”, titulli artistik më i lartë në Shqipëri, “për kontribut të rëndësishëm, si aktor i skenës dhe ekranit, me një karrierë shumë të pasur artistike, ku shquan interpretimi me mjeshtëri të lartë i veprave të njohura të dramaturgjisë kombëtare e botërore”.
Sela, ka interpretuar në shumë vepra të njohura të dramaturgjisë kombëtarë dhe botërore.
Sela ka kryer studimet e larta në Akademinë e Arteve Tiranë, ku është diplomuar si aktor. Karrierën e ka nisur si regjisor ne RTV Shqiptar (1972-1975). Nga viti 1975-1995 punoi si aktor e regjisor në teatrin Bylis të Fierit. Ndër rolet më të spikatura të kësaj periudhe janë: “Dy krisma ne Paris”, “Zoti godet me puter”, “Kush e vrau Kastinën”, “Shtrigat e Salemit”, “Një letër e humbur”
Emërohet aktor i Teatrit Kombëtar në vitin 1995. Ndër interpretimet e kësaj periudhe veçojmë rolet: “Armiku i Popullit”, “Xhaxha Vanja”, “Portreti i Dorian Greit”, “Pulëbardha”, “Streha e të harruarve”, “Tiranosauri”, “Pamje nga ura”, “Magjia e madhe”, “Franku i V” etj.