Ka ndërruar jetë avokati nga Prizreni, Ruzhdi Berisha.
Familjarët kanë bërë të ditur se ai ka ndërruar jetë, duke lënë pas një boshllëk të madh në rrethin e miqve, kolegëve dhe bashkëqytetarëve.
Mbledhja komemorative për avokatin Ruzhdi Berisha do të mbahet sot në orën 12:00, në shtëpinë e kulturës “Xhemajli Berisha” në Prizren.
Ndërkaq varrimi i të ndjerit do të bëhet po sot, më 14 maj 2025, në varrezat e qytetit të Prizrenit, pas faljes së namazit të Ikindisë.
Pizzeria “FAMIGLIA 1” në Prizren shpall konkurs për picamenë dhe kamarierë/e
Oda e Avokatëve të Kosovës e ka pranuar me pikëllim lajmin për vdekjen e avokatit Ruzhdi Berisha nga Prizreni.
I lindur më 9 shtator 1947, avokati Berisha la pas një karrierë të gjatë dhe të pasur në shërbim të drejtësisë, duke filluar nga detyra e gjyqtarit në Gjykatën Komunale të Dragashit, e deri në Gjykatën Supreme të Kosovës, dhe më pas si avokat me përkushtim të jashtëzakonshëm për mbi dy dekada.
“Ai ishte gjithashtu një trajnues i palodhshëm i brezave të rinj të juristëve dhe një kontribuues i rëndësishëm në fushën e botimeve profesionale juridike”, thuhet në njoftim.
“Puna, përkushtimi dhe integriteti i tij profesional lanë gjurmë të thella në sistemin e drejtësisë në Kosovë”.
“Humbja e tij është një humbje e madhe për komunitetin juridik dhe për gjithë ata që e njohën dhe bashkëpunuan me të”.
