Në kuadër të aktiviteteve për shënimin e 16 Qershorit, Ditës së Çlirimit dhe Ditës së Dëshmorëve të Malishevës, sot janë zhvilluar disa aktivitete kulturore dhe sportive. Sot është hapur edhe ekspozita e pikturës në kuadër të aktiviteteve kulturore, si dhe janë shpallur fituesit e konkursit artistik, ndërsa në orët e pasdites, është shfaqur edhe filmi “Heroi”.
Në hapjen e ekspozitës, e ku mori pjesë edhe kryetari Begaj, i uroi artistët që kanë marrë pjesë në këtë ekspozitë nga të gjitha viset e Kosovës.
“Piktura flet vet, ajo e shpreh më së miri atë çfarë ju si artist e thoni, mua më mbetet vetëm t’ju dëshiroj suksese në karrigen e juaj si artist, ndërsa të gjithë qytetarëve të Malishevës, ju uroj ditën e çlirimit”, tha mes tjerash kryetari Begaj.
Më pas juria e përbërë nga Mehmet Kryeziu, Mhedi Krasniqi dhe Fatos Kabashi, bën publike edhe rezultatet e konkursit artistik. Sipas jurisë, në poezi, vendi i parë i takoi shifrës “Shkoza R”, i dyti shifrës “Sh.A.Jasahri” dhe vendi i tretë shifrës “Loti i Vajzërisë”. Në pikturë vendi i pari i takoi Agron Kastratit, i dyti Avni Rexhepit dhe vendi i tretë Merita Krasniqit. Në këngë, vendi i parë i takoi Beqir Telakut, i dyti Sinan Gashit dhe i treti Murat Berishës.