Malishevë, 19 korrik – Në fshatin Marali ka filluar hapja dhe ndërtimi i një kanali për shkarkimin e ujërave atmosferike, me qëllim të parandalimit të vërshimeve, në një pjesë të fshatit, ku gjendet edhe objekti i shkollës. Punimet në këtë kanal i ka parë nga afër edhe kryetari i Komunës së Malishevës, Ragip Begaj, me ç’rast ka takuar udhëheqësit dhe banorët e fshatit Marali.
Sipas drejtorit të Drejtorisë për Urbanizëm, Islam Vrenezi, ky kanal shkarkues është i gjatë 300 metra, ndërsa ndërtohet me gypa të gjerë të betonit, të cilët mundësojnë shkarkimin e ujit. Ndërtimi i këtij kanali mundësohet nga buxheti i komunës.