Në fshatin Mushnikovë të Prizrenit, bora ka arritur trashësinë 80 cm
Kjo ka vështirësuar qarkullimin e lirë të banorëve të këtij lokaliteti dhe ky fshat është në gjendje të jashtëzakonshme!
Kryetari i fshatit dhe njëherit drejtori i shkollës, Sedat Bajrami, së bashku me disa banorë janë mobilizuar për të hapur rrugët e bllokuara brenda në fshat duke u mundësuar qarkullimin e lirë të banorëve si dhe nxënësit të mos ndërpresin procesin mësimor.
Banorët ankohen për mos intervenim më kohë të kompanive kontraktuese dhe institucioneve përgjegjëse.