Aleanca për Ardhmërinë e Kosovës ende nuk ka arritur të sigurojë 40 nënshkrimet e nevojshme, për ta thirrur seancën e jashtëzakonshme lidhur me emigrimin ilegal.
Shefja e GP të AAK’së, Donika Kadaj-Bujupi, thotë për Politiko.net se deri tash kanë mbledhur 36 nënshkrime, ndërkohë që pret reflektimin edhe të deputetëve të koalicionit.
Duke folur për emigrimin ilegal, Kadaj-Bujupi pohon se ikja masive e qytetarëve nga Kosova vazhdon të jetë sfidë, e cila duhet të trajtohet sa më parë.
“Kemi mbledhë 36 nënshkrime, presim edhe reflektimin e deputetëve te shumicës, sepse tani vendimi varet prej tyre. Ndërkohë emigrimi ilegal po vazhdon dhe është sfidë e cila duhet te trajtohet sa më parë”, ka deklaruar Donika Kadaj-Bujupi për Politiko.net.
Por, për ta thirrur seancën, opozitës i nevojiten edhe 4 nënshkrime.
Në bazë të rregullores së Kuvendit të Kosovës, mbledhje të jashtëzakonshme mund të thërrasë “një ose më shumë grupe parlamentare që përfaqësojnë jo më pak se 1/3 e deputetëve, përkatësisht 40 deputetë të Kuvendit të Kosovës”. /Politiko.net.