33.8 C
Prizren
E mërkurë, 19 Qershor, 2024

Në Prizren bien LDK, AAK dhe AKR, rritet VV, Nisma e katërta

partit politike 2Zgjedhjet në Prizren konfirmuan PDK-në si forcën kryesore politike, LDK vazhdoi të mbetet e dyta, Vetëvendosje! e treta, ndërsa AAK-ja që ishte forca e katërt, këtë vend tashmë ia ka lëshuar Nismës, pasi AAK është ranguar forca e shtatë, pas dy subjekte të komunitetit pakicë turk KDTP dhe koalicionit boshnjak VAKAT.

Nga 156.970 persona me të drejtë vote, të dielën në Prizren votuan 62.500 votues apo 39.8 %.

Nga rezultatet preliminare të KQZ-së, të numëruar në 205 nga 2011 vendvotime del se PDK mori 30.18 për qind, duke lënë pas LDK-në për afro 6 mijë vota. Ky subjekt mori 10.528 apo 19.20 %. Vetëvendosja për 1.649 vota prin para Nismës.

Në PDK-në thanë se për herë të parë në këto zgjedhje kanë fituar në disa lokalitete, si në Has, në lagjen Arbana, në Ortakoll, ku zakonisht ka fituar LDK.

Krahasuar me zgjedhjet paraprake qendrore, të vitit 2010 del se PDK ka një ngritje të lehtë, LDK ka rënie diku mbi 2 mijë vota, Vetëvendosje! ka diku rreth 700 vota me shumë. Rënie ka shënuar AAK, që ka marrë 3.018 vota ose 4.1 për qind. Më së shumti rënie ka pësuar AKR-në, që për dallim nga zgjedhjet paraprake që kishte marrë mbi 2.150 vota kësaj radhe ajo është votuar vetëm nga 844 prizrenas.

Gjithnjë sipas rezultateve të para, subjektin e ri Nisma në Prizren e kanë votuar 4.713 qytetarë apo 8.55 % e pjesëmarrësve në votim.

Nga partitë minoritare më së shumti është votuar Partia Demokratike Turke e Kosovës, KDTP, që mori 4.123 vota, pothuajse ngjashëm sa edhe më 2010. Pas saj vjen Koalicioni “Vakat” me afro 3.306 vota, apo 600 më tepër,shkruan Zeri.

Prizreni përbën një pjesë të mirë të elektoratit në Kosovë, ndërsa deri tash për shkak të shpërndarjes së votave nuk dihet se cili prej pretendentëve ka gjasat më të mëdha të siguroi ulëse në përbërjen e re të Kuvendit.

Ndryshe për të qenë pjese e përbërjes së re të Parlamentit të Kosovës, nga komuna e Prizrenit kanë pretenduar rreth 40 përfaqësues të partive politike.

Në garën parazgjedhore, përveç subjekteve të shumicës shqiptare, ata janë futur edhe përmes subjekteve të ndryshme minoritare, përfshirë ato turke, boshnjake dhe të komunitetit RAE.

Në këtë garë, së paku nga popullata shumicë shqiptare, askush nuk mori guximin, apo siç thuhet në gjuhën politike rrezikun, të garojë si kandidat i pavarur.

Më Shumë

Totaj viziton Këshillin e Bashkësisë Islame për Kurban Bajramin

Kryetari i Prizrenit, Shaqir Totaj, bashkë me kryesuesen e Kuvendit Komunal, Antigona Bytyqi, nënkryetarin Kujtim Gashi, drejtorët e asamblistës dhe bashkëpunëtorët e kabinetit, vizituan...

Ofertat e “Bashkimi Reisen” për pushime të paharrueshme në Velipojë

Oferta Verore në Hotel Holiday, Velipoj  Përjetoni një pushim të mrekullueshëm në bregdetin e Velipojës me ofertën tonë të veçantë!  Hotel Holiday Data e vlefshmërisë: Deri më...

Bregu i shpëtimit

Lajmet e Fundit